ಭವಿಷ್ಯ ಭಾರತ

“ಸನಾತನ ಧರ್ಮ ರಾಜ್ಯದ ಸ್ಥಾಪನೆ ಅತೀ ಅವಶ್ಯವಾಗಿದೆ. ಸಂತರ ಮಾರ್ಗದರ್ಶನದಲ್ಲಿ ಕ್ಷಾತ್ರ ತೇಜಸ್ಸಿನ ಸಂಸ್ಕಾರವಂತ ಮತ್ತು ಸ್ವಾಭಿಮಾನಿ ತರುಣ-ತರುಣಿಯರ ತಯಾರಿಗಾಗಿ, ಗುರುಕುಲ ವಿದ್ಯಾಪೀಠ ಸ್ಥಾಪನೆಯು ಅತೀ ಅವಶ್ಯವಾಗಿದೆ” ಎನ್ನುವ ಶಬ್ದ ಶಂಖನಾದದಂತೆ ನಿದ್ದೆಯಲ್ಲಿಯೂ ನಮ್ಮನ್ನು ಎಚ್ಚರಿಸಿ-ಎಬ್ಬಿಸಿ ಹೇಳಿ ಹೋಗುತ್ತಿರುವಂತೆ ಭಾಸವಾಗುತ್ತಿತ್ತು. ಈ ಎಲ್ಲಾ ಬೆಳೆವಣಿಗೆಗಳೇ ಮುಂದಕ್ಕೆ ಗುರುಕುಲ ವಿದ್ಯಾಪೀಠ ಸ್ಥಾಪನೆಯ ಅತ್ಯದ್ಭುತವಾದ ಸತ್-ಸಂಕಲ್ಪಕ್ಕೆ ನಾಂದಿಯಾಗುತ್ತದೆ.

ಹೆತ್ತವರ ಅಕಾಲಿಕ ಅಗಲುವಿಕೆಯಿಂದ ಭವಿಷ್ಯದ ದಾರಿ ಕಾಣದೆ ಕಂಗಾಲಾಗಿರುವ, ಸಾಧನೆ ಮತ್ತು ತ್ಯಾಗದ ಮೂಲಕ ರಾಷ್ಟ್ರ ಕಾರ್ಯಕ್ಕಾಗಿ ಸಮರ್ಪಣೆ ಆಗಬೇಕೆಂಬ ತುಡಿತವಿರುವ, ಆರ್ಥಿಕವಾಗಿ ತುಂಬಾ ಹಿಂದುಳಿದ ಸುಮಾರು 300 ಮಕ್ಕಳು ಮತ್ತು ತರುಣ-ತರುಣಿಯರ ಶಿಕ್ಷಣದ ಸಂಪೂರ್ಣ ಜವಾಬ್ದಾರಿಯನ್ನು ಪಡೆಯುವುದು.

ಪ್ರತಿಭೆಗೆ ಅನುಸಾರವಾಗಿ ಶಿಕ್ಷಣದ ಜೊತೆಗೆ ಕ್ಷಾತ್ರ ತೇಜಸ್ಸನ್ನು ತುಂಬುವುದು. ಸಚ್ಚಾರಿತ್ರ್ಯ ವ್ಯಕ್ತಿತ್ವದ ಮೂಲಕ ಸಮಾಜದ ಅದ್ಭುತ ಶಕ್ತಿಯನ್ನಾಗಿ ರೂಪಿಸುವುದು. ಐ.ಎ.ಎಸ್-ಐ.ಪಿ.ಎಸ್ ಸ್ಪರ್ಧಾತ್ಮಕ ಪರೀಕ್ಷೆಗೆ ಸಿದ್ಧಗೊಳಿಸುವುದು. ರಾಷ್ಟ್ರದ ರಕ್ಷಣೆಗಾಗಿ ಭಾರತೀಯ ಸೇನೆಗೆ ಸೇರಲು ಪ್ರೇರೇಪಿಸುವುದು. ಉತ್ತಮ ಶಿಕ್ಷಕರನ್ನಾಗಿ ರೂಪಿಸುವುದು.

ಯೋಗ-ಆಯುರ್ವೇದ-ಆಧ್ಯಾತ್ಮದ ಜ್ಞಾನವನ್ನು ತುಂಬುವುದು. ಪ್ರಾಕೃತಿಕ ಜ್ಞಾನದ ಅಧ್ಯಯನ, ಕಳರಿ ಯುದ್ಧಕಲೆಯ ತರಬೇತಿ. ಈ ಮೊದಲಾದ ವಿಚಾರಗಳಲ್ಲಿ ಪರಿಣಿತರನ್ನಾಗಿ ಸಿದ್ಧಗೊಳಿಸುವುದು.ಇಂತಹ ಅದ್ಭುತ ಜ್ಞಾನವನ್ನು ಪಡೆದ ತರುಣ-ತರುಣಿಯರಿಂದ ಭವಿಷ್ಯದಲ್ಲಿ ಸ್ಥಾಪಿಸಲ್ಪಡುವ ಗುರುಕುಲ ವಿದ್ಯಾಪೀಠದ ಸಂಕಲ್ಪವನ್ನು ಸಾಕಾರಗೊಳಿಸುವುದು.